Ճապոնիայի պետական պարտքը գերազանցել է 9,5 տրիլիոն դոլարը
Աջակցիր «Ա1+»-ինՃապոնիայի միագումար պետական պարտքը 2021 ֆինանսական տարվա վերջին (2022 թվականի մարտի 31) հասել Է երկրի պատմության մեջ ամենախոշոր գումարին՝ 1 241,3 տրիլիոն իենի (ավելի քան 9,5 տրիլիոն դոլարի ընթացիկ փոխարժեքով):
Այն աճում Է արդեն վեց տարի անընդմեջ, մայիսի 11-ին հաղորդել Է Yomiuri թերթը՝ վկայակոչելով ֆինանսների նախարարությունը, տեղեկացնում Է «Արմենպրես»-ը: Ճապոնիայի պետական պարտքը կազմվել Է պետական պարտատոմսերի, կարճաժամկետ կառավարական արժեթղթերի եւ ժամանակավոր փոխառությունների ընդհանուր գումարից:
Դրանք առանձնապես աճել են վերջին տարիներին համավարակի պատճառով բժշկական եւ սոցիալական կարիքների համար լրացուցիչ ծախսերի կապակցությամբ: Դրա հետեւանքով ներկայումս Ճապոնիայի յուրաքանչյուր բնակչին բաժին Է ընկնում շուրջ 9,9 միլին իրեն (գրեթե 76 հազար դոլար) պետական պարտք: Այն արդեն ավելի քան 2,6 անգամ գերազանցում Է երկրի համախառն ներքին արդյունքի չափը:
Ճապոնիայի կառավարությունը խոստանում Է 2026 ֆինանսական տարում տնտեսական աճի տարեկան 2 տոկոս աճի տեմպերի պահպանման հիման վրա վերացնել պետական բյուջեի պակասուրդը հարկային մուտքերի աճի հաշվին, հաղորդել Է ՏԱՍՍ-ը:
