Դիմակների պարտադիր կրման պահանջը կվերանայվի (տեսանյութ)
Աջակցիր «Ա1+»-ինՄենք նկատում ենք կովիդի իրավիճակի որոշակի կայունացում։
Գործադիրի նիստն այսօր այսպես սկսեց ՀՀ վարչապետ Նիկոլ Փաշինյանը և առողջապահության նախարար Անահիտ Ավանեսյանին խնդրեց ներկայացնել վերջին օրերի տվյալները։
«Պարոն վարչապետ, այո, վերջին շաբաթների տենդենցը հուշում է, որ մենք գնում ենք կայուն նվազման»,- ասաց նախարարը՝ ներկայացնելով կորոնաիրավիճակը Հայաստանում և հայտարեց, որ այս պահին Հայաստանում շրջանառվում է օմիկրոնի Բ1 և Բ2 ենթատեսակները։
«Ընդհանուր առմամբ, տեսնում ենք այս շտամի նվազ հիվանդացություն, բայց մենք ունենում ենք ծանր դեպքեր և մահվան ելքով դեպքեր»,- ասաց Ավանեսյանը՝ կարևորելով պատվաստումային գործընթացի շարունակականությունը։
Վարչապետն էլ նշեց, որ մասնագետները վստահեցնում են, որ այդ նվազման տենդենցը շարունակվելու է և հայտարարեց, որ այս պահին քննարկում են պարտադիր դիմակ կրելու պահանջը հանելու որոշումը, բայց պետք է վստահ լինենք, որ այն հակառակ ազդեցություն չի ունենա։
Մանրամասները՝ տեսանյութում։
