Ե՞րբ է Ռուսաստանում Հայաստանի դեսպանը հետ կանչվելու և փոխարինվի․ Մամիջանյան (տեսանյութ)
Աջակցիր «Ա1+»-ինՍա ևս մեկ անգամ ի ցույց տրվեց, թե որքան տկար է փաշինյանական արտաքին քաղաքականությունը։
Այս մասին այսօր հրավիրված ասուլիսին ասաց ԱԺ «Պատիվ ունեմ» խմբակցության պատգամավոր Հայկ Մամիջանյանն՝ անդրադառնալով Լուգանսկի և Դոնեցի անկախության ճանաչման առնչությամբ ՀՀ ԱԳՆ այսօր տարածած հայտարարությանը, թե օրակարգում չկա դրանց անկախության ճանաչման հարց։
«Վերջին երկու օերրեի ընթացքում ՌԴ ելույթներով և Պետդումայի գործողություններով ցույց տվեց, թե ինչ պետք է աներ Հայաստանը 44-օրյա պատերազմի ժամանակ»,- ասաց ընդդիմադիր պատգամավորը՝ հիշեցնելով, թե ինչպես էր ՌԴ նախագահը երեսով տալիս, որ անգամ Հայաստանը չի ճանաչել Արցախի անկախությունը։
Անդրադառնալով ռուս-հայկական ռաշնակցային հարաբերություններին՝ Հայկ Մամիջանյանն ընդգծեց, որ հնարավոր չէ նեղանալ դաշնակցից նրա համար, որ նա չի անում ավելին, քան դու ինքդ պիտի անես։
«Ինձ շատ հետաքրքիր է, թե ե՞րբ է հետ կանչվելու Ռուսաստանում ՀՀ դեսպանը և փոխարինվելու, բայց բոլորս գիտենք, որ դա տեղի չի ունենալու»,- հավելեց Մամիջանյանը։
Հիշեցնենք՝ երեկ Երևանում տեղի ունեցավ Եվրանեթս խորհրդարանական վեհաժողովի ընդլայնված նիստ, որին մասնակցում էին նաև Ադրբեջանից ժամանած պատվիրակություն, իսկ արդեն այսօր Ազգային ժողովի ընդդիմադիր «Հայաստան» և «Պատիվ ունեմ» խմբակցությունները համատեղ ասուլիսով հանդես եկան՝ ամփոփելով Եվրանեթս խորհրդրանական վեհաժողովը։
Մանրամասները՝ տեսանյութում։
