Տոնել են ՀՅԴ 120-ամյակը
Հայ Հեղափոխական Դաշնակցության հիմնադրման 120- ամյակի շրջանակներում` նոյեմբերի 21 - ին Նյու Յորքի «Հիլթոն» հյուրանոցի հանդիսասրահում տեղի ունեցավ հոբելյանական համաժողով:
Ժողովրդական ֆորումին զեկուցումներով հանդես եկան Միչիգանի Համալսարանի պատմության դասախոսներ, պրոֆեսորներ՝ Դենիս Փափազյանն ու Արա Սանժյանը, «Զորյան» ինստիտուտի նախագահ, դոկտոր` Գուրգեն Սարգսյանը, Նյու Յորքի «Քուինս» քոլեջի պրոֆեսոր՝ Հրաչ Զադոյանը, դոկտորներ՝ Դավիթ Գրիգորյանն ու Անդրանիկ Գասպարյանը:
Զեկուցողները հանգամանալից վերլուծեցին Հ.Յ.Դ անցած ուղին եւ նրա փառապանց գործունեությունը տարբեր ժամանակահատվածներում: Անդրադարձ եղավ նաեւ Հայոց ցեղասպանության եւ Լեռնային Ղարաբաղի Հանրապետության հիմնահարցերի մասին:
Երեկոյի վերջում զեկուցողները պատասխանեցին ներկաներին հուզող հարցերին:
Ռոբերտ Կարապետյան
Նյու Յորք
Լուսանկարները՝ հեղինակի
