Էական փոփոխություն կա․ եթե այսպես շարունակվի 1-2 տարի հետո այլ Հայաստան կունենանք․ Չոբանյան (տեսանյութ)

Վերջին մեկ տարվա ընթացքում էական որակական փոփոխություն կա այս ոլորտում և այս տեմպերը ոչ միայն պետք է շարունակել, այլ պետք է զարգացնել և արդյունքում մեկ-երկու տարի հետո այլ Հայաստան կունենանք։

Այսօր հրավիրված ասուլիսի ժամանակ ասաց «Առաջատար տեխնոլոգիաների ձեռնարկությունների միություն» ՀԿ-ի նախագահ Հայկ Չոբանյանը՝ պատասխանելով «Ա1+»-ի հարցին՝ արդյոք «Առաջատար տեխնոլոգիաների ձեռնարկությունների միություն» ՀԿ-ն համագործակցու՞մ է այն ընկերությունների հետ, որոնք ներգրավված են ԱԹՍ-ների արտադրության մեջ և ի՞նչ աշխատանքներ են տարվելու առաջիկայում։

«Այդ ընկերությունների մի մասը ԱՏՁՄ-ի անդամ են։ Այո, ոչ միայն համագործակցում ենք, այլև առաջնորդում ենք շատ պրոցեսներ, այդ թվում՝ համագործակցությունը ընկերությունների միջև, որովհետև դա հաջողության հասնելու եղանակներից մեկն է»,- ասաց Հայկ Չոբանյանը։

Հիշեցնենք՝ այսօր ամփոփիչ ասուլիսի ժամանակ հայտնի դարձավ, որ Բարձր տեխնոլոգիաների արդյունաբերության նախկին նախարար Հայկ Չոբանյանը ստանձնում է «Առաջատար տեխնոլոգիաների ձեռնարկությունների միություն» ՀԿ-ի ղեկավարի պաշտոնը։

Մանրամասները՝ տեսանյութում։