A
A
Գերիներին վերադարձնելը խաղաղապահների պարտքն է․ Մուրադով
Աջակցիր «Ա1+»-ինԱյսօրվա դրությամբ ադրբեջանական կողմի բոլոր զինծառայողները վերադարձված են, իսկ հայ ռազմագերիների վերադարձի գործընթացը շարունակվում է, առկա է դրական ըմբռնում: Այդ մասին ՏԱՍՍ-ին հայտնել է Արցախում խաղաղապահ զորախմբի նախկին հրամանատար, Ռուսաստանի զինված ուժերի Հարավային ռազմական օկրուգի հրամանատարի տեղակալ Ռուստամ Մուրադովը։
«Կարծում եմ, որ այդ հարցը պետք է ամբողջությամբ փակվի: ՌԴ խաղաղապահները գործը կհասցնեն ավարտին»,- ասել է նա՝ շեշտելով՝ գերիներին վերադարձնելը համարում է խաղաղապահների պարտք։
Նշենք, որ Լեռնային Ղարաբաղում տեղակայվելուց հետո ռուս խաղաղապահները զոհվածների 1960 մարմին են վերադարձրել Հայաստանին եւ Ադրբեջանին։ Պատերազմից հետո Ադրբեջանը 126 գերի է վերադարձրել՝ զինծառայողներ և քաղաքացիական անձինք։
