A
A
Տիգրան Քոթանջյանը առաջ անցավ
Ջերմուկում ընթացող շախմատի Կարեն Ասրյանի անվան հուշամրցաշարի 7-րդ տուրում Տիգրան Քոթանջյանը, հաղթելով Դավիթ Պետրոսյանին, վաստակեց 6 միավոր եւ դարձավ միանձնյա առաջատար: Այսօր նա սեւերով կմրցի Զավեն Անդրեասյանի հետ:
Երկրորդ տեղը զբաղեցնում է Վրաստանի ներկայացուցիչ Կոնստանտին Շանավան, որը կես միավորով է ետ մնում առաջատարից: Վեց շախմատիստներ վաստակել են 5 միավոր:
Կանանց հաշվարկում առաջին տեղը զբաղեցնում է Սոֆիո Գվետաձեն (Վրաստան), որն իր ակտիվում ունի 4,5 միավոր:
Նշենք, որ հուշամրցաշարի ավարտին մնացել է երկու տուր:
