Ծափահարեցին մեկ մարդու պես (տեսանյութ)
Լոնդոնի թագավորական ֆիլհարմոնիկ նվագախմբի այցը Հայաստան և հայազգի երաժիշտների մասնակցությունը համերգային ծրագրին մեծ իրադարձություն է։
Այս կարգի նվագախմբերը 4-5 տարի առաջ են ծրագրում իրենց համերգային գործունեությունը:
Նվագախմբի դիրիժոր Գժեգոշ Նովակն առաջին համերգին իր տեղը զիջեց դիրիժոր Էդվարդ Թոփչյանին` աշխարհահռչակ դաշնակահար Բորիս Բերեզովսկու մենանվագությամբ:
Երկրորդ համերգի ընթացքում, որը տեղի կունենա այսօր Ալեքսանդր Սպենդիարյանի անվան օպերայի և բալետի ազգային թատրոնում, հանդես կգան հայ օպերային բեմի լավագույն երգիչներ Հասմիկ Պապյանն ու Բարսեղ Թումանյանը` Գժեգոշ Նովակի ղեկավարությամբ:
Նվագախմբի ղեկավար Էնդրյու Սիփինգսը հիացած է երեւանյան եղանակով ու ընդհանրապես Երեւանով և հույս ունի, որ շուտով էլի Հայաստան գալու հնարավորություն կունենան:
Իսկ նրանք, ում բախտ էր վիճակվել ներկա լինել համերգին, մեկ մարդու պես ծափահարում էին իրենց տոն պարգևած երաժիշտներին:
