Կոնգրեսականն էլ մասնակցեց
Նյու Յորքի Սրբոց նահատակաց Հայաստանյան եկեղեցում այս տարի մեծ շուքով նշեց Խաչվերացը: Այն փրկարար Խաչին նվիրված ամենաուրախ տոներից է: Սուրբ պատարագից հետո Խաչվերացի Անդաստանի արարողությունը կատարվեց դրսում:
Տոնակատարությանը մասնակցում էին կոնգրեսական Հարի Աքերմանը, Նյու Յորքի նահանգապետարանի եւ քաղաքապետարանի ներկայացուցիչները` Մարկ Վեպրինը, Դանիել Հալլորան եւ Դավիդ Վեպրինը, որոնց մաղթանքները ներկաները ընդունեցին ջերմությամբ: Բացօթյա արարողության ժամանակ կազմակերպվել էր տոնավաճառ, որտեղ հայ վարպետները ներկայացրել էին իրենց աշխատանքները:
Ներկաները ճաշակեցին հայկական ուտեստներ`հայկական խորոված, ձավարով փլավ եւ այլ ճաշատեսակներ:
Ներկաները ջերմությամբ ընդունեցին Նյու Յորքի «Հայոց զավակներ» էստրադային նվագախմբի ելույթը`մեներգիչ Աշոտ Լոգյանի ղեկավարությամբ, Սրբոց Նահատակաց եկեղեցուն կից «Արածանի» եւ «Հայոց պար» պարային համույթների եւ անհատ կատարողների ելույթները:
Խաչվերաց տոնակատարությունը շարունակվեց մինչեւ ուշ երեկո:
Ռոբերտ Կարապետյան
Նյու Յորք
Լուսանկարները` հեղինակի
