Բախվել են 3 ավտոմեքենաներ. «Nissan Note»-ը վրաերթի է ենթարկել 2 քաղաքացու
Աջակցիր «Ա1+»-ինՀունիսի 1-ին, ժամը 08։24-ին Ճգնաժամային կառավարման ազգային կենտրոն ահազանգ է ստացվել, որ Երևանի Գայի պողոտայի թիվ 1 շենքի մոտակայքում տեղի է ունեցել ՃՏՊ․ կան տուժածներ: Այս մասին տեղեկացնում է ՀՀ ԱԻՆ-ը։
Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ և փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը։
Պարզվել է, որ բախվել են «Nissan Note», «Opel Astra G» (վարորդ՝ Լ. Հ․) և մեկ այլ «Opel Astra G» մակնիշների ավտոմեքենաները. «Nissan Note» մակնիշի ավտոմեքենան վրաերթի է ենթարկել կանգառում կանգնած երկու քաղաքացու, որոնցից մեկը (Ս․ Հ․, ծնված 1989 թ.) շպրտվել է «Opel Astra G» մակնիշի ավտոմեքենայի վրա և արգելափակվել բեռնախցիկի հավածում. փրկարարները վերջինիս դուրս են բերել արգելափակումից, մոտեցրել շտապօգնության ավտոմեքենային: Քաղաքացին հոսպիտալացվել է «Հերացի» թիվ 1 հիվանդանոցային համալիր։
Մյուս տուժածը, մինչ փրկարարների կանչի վայր հասնելը, հոսպիտալացվել է։
Փրկարարները հոսանքազրկել են ավտոմեքենաները և փակել գազի բալոնների փականները:
