Մասնակցի անունը` սեպտեմբերի 5-ին
Հայաստանը «Մանկական Եվրատեսիլ 2010»-ին ներկայացնողի անունը հայտնի կդառնա սեպտեմբերի 5-ին:
Այդ մասին «Ա1+»-ին ասաց Հանրային հեռուստատեսության գործադիր տնօրենի` հատուկ նախագծերի գծով խորհրդական Դիանա Մնացականյանը:
Մինչեւ եզրափակիչ փուլի օրը` սեպտեմբերի 2-ին եւ 3-ին կանցկացվեն նախընտրական փուլեր, որտեղ ժյուրին կընտրի լավագույններին: Յուրաքանչյուր փուլից 4 մասնակից է անցնելու եզրափակիչ փուլ:
Սեպտեմբերի 5-ի եզրափակիչ փուլի ժամանակ հեռուստադիտողը կկարողանա SMS ուղարկել համակրած երգչի եւ երգի օգտին:
Այս տարի էլ հայաստանյան եզրափակիչի հաղթողը կընտրվի ժյուրիի ձայների եւ SMS հաղորդագրությունների 50/50 հարաբերակցությամբ: Քվեարկությունը ապահովելու է «Նիկիտա Մոբայլ»-ը:
Կանոնների համաձայն` երգերի բառերի եւ երաժշտության հեղինակները հենց մանուկներն են:
Մանկական Եվրատեսիլ 2010-ի նախընտրական փուլին ներկայացվել էր 31 հայտ, սակայն ընտրվել է 25-ը:
Նշենք, որ «Մանկական Եվրատեսիլ 2010»-ը անցկացվելու է Բելառուսի մայրաքաղաք Մինսկում:
«Մանկական Եվրատեսիլն» անց է կացվում 2005 թվականից: Առաջին անգամ մեր երկիրը ներկայացրել է «Արեւիկ» համույթը ` «Երազանք» երգով` արժանանալով 2-րդ տեղին: Լուարա Հայրապետյանը անցյալ տարի եւս գրավեց 2-րդ հորիզոնականը:
