«Ոնց եմ հաջողացրել ծնվել հենց Հայաստանում»
Աջակցիր «Ա1+»-ինԱրվեստագետ-լրտեսներն այսօր ՆՓԱԿ-ում իրենց բողոքն են արտահայտելու, թե ինչու են ծնվել հենց Հայաստանում:
«Լրտեսվող Հայաստան» ցուցահանդեսի երիտասարդ արվեստագետներն վիդեո, գեղանկարչական եւ ֆոտոտարբերակներով փորձել են ցույց տալ, որ «անհատականության միակ հայրենիքն անհայտ հայրենիքն է»:
Ցուցահանդեսի համադրող Սեդա Շեկոյանի խոսքերով` ցուցահանդեսը վեր է հանում երեք հիմնական խնդիրներ:Դրանք են կենդանի մարմնի խնդիրը, արվեստագետին որպես լրտես ձեւակերպելը եւ հայրենասիրության խնդիրն անկախ բնակության վայրից:
Ցուցահանդեսին մասնակցում են 57 հոգի, այդ թվում Հայաստանում ապրող մեկ ֆրանսիացի եւ երկու իրանցի արվեստագետներ:
«Լրտեսվող Հայաստան» ցուցահանդեսում արվեստագետն ի տարբերություն լրտեսողի` ոչ թե վաճառում է իր հայրենիքը ուրիշին, այլ իր «լրտեսությամբ» ծառայում է միայն արվեստագետին հայտնի հայրենիքին:
Ցուցահանդեսը բաց է բոլորի համար եւ կտեւի 2 ամիս, իսկ նրա նպատակն է` նոր դեմքեր հայտնաբերել եւ նրանց աշխատանքները ցուցադրել:
