Այսօր Ամանոր է
Աջակցիր «Ա1+»-ինՀայաստանում ասորական համայնքն այսօր նշում է ասորական ամանորը:
Այն խորհրդանշում է գարնան գալուստը:
Օրվա ավանդական կերակուրը սպասն է, սակայն ի տարբերություն հայկական սպասի` այն պատրաստվում է 12 տեսակի բանջարեղենով եւ միայն ձավարով:
«Մենք նշում ենք Ամանորը հայերի հետ եւ հայերի պես` հունվարի 1-ին, սակայն ապրիլի 1-ը մեզ համար առիթ է ևս մեկ անգամ նշելու մեր ազգային տոներից մեկը»,- պատմում է ազգությամբ ասորի Անուշը:
Ասորիների 6360- րորդ Ամանորի առթիվ` «Նարեկացի» մշակութային կենտրոնում «Հայաստանի աթուռ» ասոցիացիան կազմակերպել էր ամանորյա միջոցառում:
Դրա ընթացքում ասորերենի եւ մշակույթի պահպանման համար տրվեցին պատվոգրեր ասորի ուսուցիչներին եւ մշակութային գործիչներին:
Ի դեպ, առաջին անգամ Հայաստանում ասորիներին` ազգային տոնի առիթով շնորհավորել էր երկրի նախագահը:
