A
A
Սարհատ Պետրոսյանն ազատվեց Կադաստրի կոմիտեի ղեկավարի պաշտոնից
Աջակցիր «Ա1+»-ինԿառավարության այսօրվա նիստի ժամանակ ընդունվեց Սարհատ Պետրոսյանին Կադաստրի կոմիտեի ղեկավարի պաշտոնից ազատելու որոշումը:
Հարցը ներկայացրել էր վարչապետի աշխատակազմի ղեկավար Էդուարդ Աղաջանյանը, այն ընդգրկված է կառավարության չզեկուցվող նախագծերի թվում։
«Ղեկավարվելով «Հանրային ծառայության մասին» Հայաստանի Հանրապետության օրենքի 9-րդ հոդվածի 2-րդ մասով ` Հայաստանի Հանրապետության կառավարությունը որոշում է.
Սարհատ Պետրոսյանին ազատել կադաստրի կոմիտեի ղեկավարի պաշտոնից»,- ասված է որոշման մեջ:
Հիշեցնենք, որ ավելի վաղ Սարհատ Պետրոսյանը Ֆեյսբուքի իր էջում գրել էր, որ դիմել է վարչապետ Նիկոլ Փաշինյանին՝ իրեն ազատելու Կադաստրի կոմիտեի ղեկավարի պաշտոնից։
