A
A
ՙԵրեխաների աշխարհում»
Աջակցիր «Ա1+»-ինԵրեւանում բացվեց Էստոնահայ նկարիչ Արսեն Քլյանի ՙԵրեխաների աշխարհում՚ խորագրով ցուցահանդեսը: Ներկայացված են 16 նկարներ, տարբեր ազգերի և հատկապես հայ երեխաների դիմանկարներ:
Արսեն Քլյանը Էստոնիայի մայրաքաղաք Տալլինում գործող Միջազգային նկարիչների միության նախագահն է, նաև տեղի գեղարվեստի մասնավոր դպրոցի հիմնադիր-տնօրենը:
«Գլխավոր նպատակս օտարերկրացիներին հայի դիմագիծը ցույց տալն է: Մեծամտություն չլինի, բայց բոլոր դիտողները` օտարները հիանում են մեր հայերի գեղեցկությամբ, փոքրիկների գեղեցիկ ու խորիմաստ աչուկներից միանգամից հասկանում են, որ նկարում հենց հայ երեխա է պատկերված»,-ասաց նա:
Ի դեպ, հունվարին Երեւանում նկարիչը կբացի մեկ այլ ցուցահանդես,ուր կներկայացվեն հայ արվեստագետները, մասնավորապես երգիչ-երգչուհիները:
