A
A
Հակակոռուպցիոն ռազմավարության նախագիծն այսօրվանից հասանելի է
Աջակցիր «Ա1+»-ինԻրավական ակտերի նախագծերի հրապարակման միասնական կայքում՝ այսօր՝ հունիսի 10-ին տեղադրվել է «ՀՀ հակակոռուպցիոն ռազմավարությունը և դրա իրականացման 2019-2022 թվականների միջոցառումների ծրագիրը հաստատելու մասին» ՀՀ կառավարության որոշման նախագիծը։
Ինչպես տեղեկանում ենք կայքից, ռազմավարությամբ նախանշվում են հակակոռուպցիոն քաղաքականության առաջիկա տարիների ուղենշային ուղղությունները, ինչպես նաև հակակոռուպցիոն ինստիտուցիոնալ համակարգը:
Նախագծով կոռուպցիայի դեմ պայքարի հիմնական երեք ուղղություններն են՝ կոռուպցիայի կանխարգելումը, կոռուպցիոն հանցագործությունների բացահայտումը և հակակոռուպցիոն կրթությունն ու իրազեկումը։
Ռազմավարությունը կոռուպցիայի կանխարգելումն իրականացնելու է հետևյալ ենթաուղղություններով.
- Վարչական կոռուպցիայի հաղթահարում.
- Հանրային կառավարման համակարգում բարեվարքության ամրապնդում.
- Հայտարարագրում.
- Հակակոռուպցիոն կարգավորման ազդեցության գնահատում և մասնավոր հատվածում թափանցիկության բարձրացում.
