Հարգելի պարոն Խաչատրյան
Ի պատասխան Ձեր 2019 թվականի ապրիլի 11-ի N19/33 գրության՝ հայտնում եմ, որ բնապահպանության նախարարությունը 18.04.2019 թվականի N 4/22.1/40347-19 գրությամբ դիմել է ՀՀ Գիտությունների ազգային ակադեմիայի կենդանաբանության և հիդրոէկոլոգիայի գիտական կենտրոնին՝ «Երևանի կենդանաբանական այգի» ՀՈԱԿ-ի կողմից ՀՀ կենդանիների Կարմիր գրքում գրանցված մի շարք կենդանատեսակներ վայրի բնությունից բռնելու թույլտվություն ստանալու խնդրանքի վերաբերյալ մասնագիտական դիրքորոշում ստանալու նպատակով:

ՀՀ Գիտությունների ազգային ակադեմիայի կենդանաբանության և հիդրոէկոլոգիայի գիտական կենտրոնը 25.04.2019 թվականի N2459-339 գրությամբ ներկայացրել է մասնագիտական դիրքորոշում:

Բնապահպանության նախարարությունը Ձեր խնդրանքին կարող է անդրադառնալ ՀՀ Գիտությունների ազգային ակադեմիայի կենդանաբանության և հիդրոէկոլոգիայի գիտական կենտրոնի մասնագիտական դիրքորոշմամբ ներկայացված վայրի կենդանիների կենսաբանական, անհատական և տեսակային առանձնահատկությունների, առողջության և կյանքի անվտանգության, անազատ պայմաններում պահելու վայրից կենդանիների փախուստը բացառելու, ինչպես նաև նախատեսվող աշխատանքներում ներգրավվող արհեստավարժ և որակավորված մասնագետների վերաբերյալ ամբողջական տեղեկատվության առկայության դեպքում: