Ազատ, բայց թիկունքում՝ քաղաքական ուժ (տեսանյութ)
Աջակցիր «Ա1+»-ինԳործող իշխանությունը ի տարբերությամբ նախորդի, չի միջամտում լրատվամիջոցների գործունեությանը, -ասում է Խոսքի ազատության պաշտպանության կոմիտեի նախագահ Աշոտ Մելիքյանը։ Նրա կարծիքով՝ իշխանության կողմից անգամ, երբ առանձին հայտարարություններ է արվում, ապա դրանց չի հետևում լրագրողների ու լրատվամիջոցների նկատմամբ լծակների կիրառում:
Մամուլի ասուլիսին մասնակցող Երեւանի մամուլի ակումբի նախագահ Բորիս Նավասարդյանը դեռեւս նկատում է ազդեցություն մամուլի վրա։
«Եթե խոսում ենք, որ ապրում ենք փոփոխված Հայաստանում, ապա լրատվամիջոցները որպես հանրային կառույց ևս պետք է փոխվեն: Սակայն մենք տեսնում ենք որ հայաստանյան լրատվամիջոցները, թեև գործում են ավելի ազատ պայմաններում, սակայն լրատվամիջոցների վրա առկա է քաղաքական ազդեցություն: Այժմ լրատվամիջոցները, ծառայում են ոչ թե հանրությանը, այլ նեղ քաղաքական խմբերի»,-ասում է Երևանի մամուլի ակումբի նախագահ Բորիս Նավասարդյանը։
Նա կարևոր է համարում նաև լրատվամիջոցների սեփականության ֆինանսական թափանցիկութան ապահովվումը, սակայն պետք է այնպիսի լուծումներ գտնել, որ չվնասի լրատվամիջոցներին:
