Կառավարությունը հանքարդյունաբերողներին ազատում է մաքսատուրքից

Աջակցիր «Ա1+»-ին

Կառավարությունն այսօր հաստատեց տնտեսական զարգացման և ներդրումների նախարար Սուրեն Կարայանի ներկայացրած որոշման այս նախագիծը։ Ղեկավարվելով Հայաստանի Հանրապետության կառավարության 2015 թվականի սեպտեմբերի 17-ի №1118-Ն որոշման պահանջներով` Հայաստանի Հանրապետության կառավարությունը     ո ր ո շ ու մ     է.

1. Բավարարել «ԼԻԴԻԱՆ ԱՐՄԵՆԻԱ» փակ բաժնետիրական ընկերության կողմից ներկայացված հայտը գերակա ոլորտում իրականացվող ներդրումային ծրագրի շրջանակներում ներմուծված (ներմուծվող) տեխնոլոգիական սարքավորումները, դրանց բաղկացուցիչ ու համալրող մասերը, հումքը և (կամ) նյութերը ներմուծման մաքսատուրքից ազատման արտոնությունից օգտվելու համար և սահմանված կարգով կիրառել համապատասխան արտոնությունը` համաձայն հավելվածի ներմուծված (ներմուծվող) տեխնոլոգիական սարքավորումների, դրանց բաղկացուցիչ ու համալրող մասերի, հումքի և (կամ) նյութերի  նկատմամբ:
2. Սահմանել, որ սույն որոշման հավելվածում նշված են ներմուծված (ներմուծվող) տեխնոլոգիական սարքավորումների, դրանց բաղկացուցիչ ու համալրող մասերի, հումքի և (կամ) նյութերի  նախնական արժեքները:

  «ԼԻԴԻԱՆ ԱՐՄԵՆԻԱ» փակ բաժնետիրական ընկերության կողմից ներմուծվող հումքն օգտագործվելու է հանքարդյունաբերության մեջ։ Արդեն իսկ իրականացվել է 43,818,295,000 ՀՀ դրամի ներդրում, ծրագրի ընթացքում կներդրվի ևս 179,450,000,000 ՀՀ դրամ։ Ամբողջ ծրագրի ընթացքում նախատեսվում է ստեղծել 2000 նոր աշխատատեղ՝ մոտ 500 000 ՀՀ դրամ միջին աշխատավարձով։ 9 տարվա ընթացքում ծրագրով նախատեսված արտադրանքի ծավալներըկկազմեն 1,100,462,000,000 ՀՀ դրամ, որն ամբողջությամբ արտահանվելու է։ Ներմուծվող սարքավորումները չեն ներմուծվում ԵԱՏՄ անդամ-երկրներից, քանի որ մի մասը չի արտադրվում ԵԱՏՄ անդամ-երկրներում, իսկ մյուսը չի բավարարում ընկերությանն անհրաժեշտ տեխնիկական չափանիշներին։ Հաշվի առնելով վերոգրյալը և ամփոփելով շահագրգիռ մարմիններից ստացված կարծիքները` նպատակահարմար ենք գտնում բավարարել «ԼԻԴԻԱՆ ԱՐՄԵՆԻԱ» ՓԲԸ կողմից ներկայացված հայտը, որը համապատասխանում է ՀՀ կառավարության 2015 թվականի սեպտեմբերի 17-ի թիվ 1118-Ն որոշմամբ սահմանված պահանջներին: