A
A
Գոռ Մինասյանը՝ Եվրոպայի 2016թ փոխչեմպիոն
Նորվեգիայի Ֆյորդե քաղաքում ավարտված ծանրամարտի Եվրոպայի առաջնությունում Հայաստանի համար վերջին մեդալը նվաճեց Գոռ Մինասյանը: Մեր գերծանր քաշային մարզիկը պոկում վարժությունում բարձրացրեց 205 կգ, իսկ հրում վարժությունում գլխավերեւում պահեց 237 կգ ծանրաձողը։ Երկամարտի 442 կգ արդյունքով նա գրավեց 2-րդ տեղը եւ արժանացավ արծաթե մեդալի։ Այս քաշային կարգում մրցակցությունից դուրս էր Վրաստանի ներկայացուցիչ Լաշա Տալախաձեն, որը մեր ծանրորդից 21 կգ ավելի բարձրացրեց: Թիմային հաշվարկով Հայաստանը նվաճեց 6 մեդալ եւ գրավեց առաջին տեղը (3 ոսկի, 2՝ արծաթ, 1՝ բրոնզ):
