A
A
«Արսենալը» ցանկանում է ձեռք բերել Հենրիխ Մխիթարյանին
Հայաստանի հավաքականի եւ Դորտմունդի «Բորուսիայի» կիսապաշտպան Հենրիխ Մխիթարյանը հայտնվել է Լոնդոնի «Արսենալի» ուշադրության կենտրոնում: The Guardian թերթի տվյալներով` լոնդոնյան ակումբը սկաուտներ է ուղարկել Գերմանիա՝ 27-ամյա ֆուտբոլիստի խաղը դիտելու համար: «Արսենալի» ղեկավարությունն առաջիկա ամռանը պատրաստվում է հրաժարվել թիմի երեք կիսապաշտպանների՝ Միկել Արտետայի, Մատյե Ֆլամինիի եւ Թոմաշ Ռոսիցկու ծառայություններից: Հարցականի տակ է նաեւ Ալեքս Օկսլայդ-Չեմբերլենի մնալ-չմնալու հարցը: Այդ իսկ պատճառով «Արսենալի»գլխավոր մարզիչ Արսեն Վենգերը ցանկանում է նոր խաղացողներով ուժեղացնել կիսապաշտպանական գիծը: Հենրիխ Մխիթարյանից բացի, ֆրանսիացի մասնագետը ցանկանում է թիմում տեսնել նաեւ Մյոնխենգլադբախի «Բորուսիայի» կիսապաշտպան Գրանիտ Ջակային:
