ԱՆՀՐԱԺԵՇՏ ԲԱԺԱՆՄՈՒՆՔԻ ԲԱՑՈՒՄ
Աջակցիր «Ա1+»-ինՇիրակի մարզում գործող արհեստական երիկամի միակ բաժանմունքը, որը տեղակայված է Գյումրու «Սամարիթեր» հիվանդանոցում, շուտով ընդլայնելու է իր գործունեության շրջանակները` ֆրանսիական SPFA եւ գերմանական «Ֆրեզիմիուս մեդիքալ քեյր» կազմակերպությունների ֆինանսավորմամբ:
Հիվանդանոցի առաջին հարկում բացվելու է հեմոդիալիզի նոր բաժանմունք, որը սպասարկելու է առավել մեծ թվով հիվանդների, նաեւ զինվելու է նոր եւ ժամանակակից բուժսարքավորումներով: Ըստ հիվանդանոցի տնօրեն Ռաֆիկ Խաչատրյանի, նոր բաժանմունքի ստեղծումը արդեն անհրաժեշտություն էր դարձել, քանի որ վերջին տարիներին ավելացել է երիկամային հիվանդություններով տառապողների թիվը, ու շատ դեպքերում էլ բաժանմունք դիմած հիվանդների թիվը գերազանցել էր առկա մահճակալների թիվը:
Նոր բաժանմունքում հնարավորություն կունենան բուժսպասարկում ստանալ 35-40 հիվանդ: Հաղորդում է «Ցայգը»:
