«Գողական սխոդկայի ժանրի հանդիպում էր» (video)
Support A1+!ԱԺ ամբիոնից այսօր խոսելով ՀԱԿ ներկայացրած Կառավարման ճգնաժամի վերաբերյալ նախագծից՝ «Ժառանգություն» խմբակցության ղեկավար Ռուբեն Հակոբյանը նշեց՝ ընդդիմությունը հիվանդ չէ. «Եթե հիվանդ ենք, ապա բոլորս ենք հիվանդ, դասեր մի տվեք: Եթե ցինիզմը հասնում է նրան, որ ընդդիմության պատճառով է արտագաղթը, ապա դուք ինչո՞վ եք զբաղված»: Դիմելով ՀՀԿ պատգամավորներին, որոնք նաեւ տեղից ռեպլիկներ էին անում, պարոն Հակոբյանը խոսեց նաեւ Սերժ Սարգսյանի վերջին ելույթից ու դրա հետեւանքներից ԲՀԿ-ի նկատմամբ. «Ձեր պահվածքով դուք կործանում եք եւ Սերժ Սարգսյանին, եւ ձեզ՝ ասելով, թե այս ինչ լավ է կառավարում, դուք խնձորներ եք դնում նրա թեւերի տակ: Ինչ վերաբերում է ԲՀԿ նկատմամբ տեղի ունեցած ճնշումներին, մինչ օրս խուզարկություն էր իրականացվում անդամներից մեկի հյուրանոցում ու որպես բարդելի մարմնավաճառներ՝ ոստիկանության բաժանմունքներ բերման ենթարկում: Հիմա հանկարծ պարզվեց, որ նրանք ոչ թե մարմնավաճառներ էին, այլ ձյունանուշիկներ, որ գնացել էին նվերներ բաժանելու»:
