ՀԱՅԵՐԸ ՄՐՑԱՆԱԿՆԵՐԻ ՉԵՆ ՀԱՎԱԿՆՈՒՄ
Աջակցիր «Ա1+»-ինՍեպտեմբերի 22-ին հայտնի կդառնան ԱՊՀ § Բալթյան երկրների «Կինոշոկ» փառատոնի մրցանակակիրները, որոնք կհայտարարվեն պաշտոնական փակման արարողության ժամանակ:
Մեծ ժյուրին կշնորհի գլխավոր մրցանակ, կշնորհվեն նա§ լավագույն ռեժիսուրայի, սցենարի, օպերատորական աշխատանքի, կնոջ § տղամարդու դերերի համար մրցանակներ:
Մեծ ժյուրիի կողմից կտրվի նա§ հատուկ դիպլոմ: Ժյուրիի անդամների տրամադրության մասին խոսելն անիմաստ է. այդ թեմայով ժյուրիի անդամներին հարցեր չեն տալիս:
Ժյուրին չի մասնակցում նա§ կինոդիտումներին հաջորդող քննարկումներին § մամլո ասուլիսներին, որպեսզի չենթարկվի կողմնակի կարծիքների ազդեցությանը:
Նրանց համար փառատոնի ծրագրին զուգահեռ գործում է առանձին ծրագիր, միջոցառումներ, որոնցով էլ ժյուրիի շփումը փառատոնի մասնակիցների հետ սահմանափակվում է:
Սեպտեմբերի 21-ի երեկոյան Մեծ Ժյուրին առանձնացավ որոշում ընդունելու:
Լիամետրաժ ֆիլմերի մրցույթում 9 կինոնկար է. դրանց շարքում հայկական ֆիլմ չկա:
Հայկական ֆիլմերը ցուցադրվեցին «Կինո առանց ժապավենի» § Short-Shok մրցույթների ընթացքում, որոնց համար գոյություն ունեն առանձին ժյուրիներ:
Փառատոնում ցուցադրված ֆիլմերը դիտելուց հետո կարելի է ենթադրել, որ հայկական ֆիլմերը մրցանակների չեն հավակնում:
Սակայն, ինչ խոսք, սրանք ընդամենը ենթադրություններ են: Ամեն ինչ հայտնի կդառնա այսօր ուշ երեկոյան:
Փակման արարողությունը սկսվելու է ժամը 20.00-ին, Անապա քաղաքի ամառային «Էստրադա» բացօթյա դահլիճում:
Սեդա Մուրադյան
Անապա