ՔԱՂԱՔԱՊԵՏԻ ՊԱՏՄԱԿԱՆ ԱՅՑԵԼՈՒԹՅՈՒՆԸ ԵՊՀ
Աջակցիր «Ա1+»-ինԱյսօր Երեւանի Պետական համալսարանի հիմնադրման 85-ամյակի կապակցությամբ քաղաքապետ Երվանդ Զախարյանը եւ «Կենտրոն» համայնքի թաղապետ Գագիկ Բեգլարյանը այցելեցին ԵՊՀ:
ԵՊՀ-ի ռեկտոր Ռադիկ Մարտիրոսյանը հյուրերին ծոնոթացրեց համալսարանի առօրյաի հետ:
Պարոն Մարտիրոսյանի խոսքերով, այսօր ԵՊՀ-ն բազմաթիվ չլուծված խնդիրներ ունի, որոնցից նա հատկապես կարեւորեց համալսարանի կապիտալ վերանորոգման հարցը:
Ըստ նրա, շատ վատ վիճակում է համալսարանի սպորտային համալիրը, հատկապես լողավազանը. «Այս հարցի լուծման համար մեծ ներդրումներ են պետք, վստահ եմ, որ քաղաքապետը կօգնի մեզ այս հարցը արագ լուծելու համար»:
Պարոն Մարտիրոսյանը նշեց նաեւ, որ այսօր համալսարանը ունի նաեւ կրթության որակի բարձրացման խնդիր. «Եթե առաջ մենք մտածում էինք գիտելիք ստեղծելու եւ տարածելու մասին, այսօր մեր առջեւ դրված է ավելի բարդ խնդրի լուծումը՝ ստեղծված գիտելիքները պետք է ծառայեն մեր հասարակությանը»:
Քաղաքապետ Երվանդ Զախարյանը իր հերթին նշեց, որ ԵՊՀ-ն մեր երկրի տնտեսության զարգացման առաջին ջութակն է. «Մենք ամեն ինչ կանենք, որ համալսարանում խնդիրներ չլինեն»:
ԵՊՀ-ի ռեկտոր Ռադիկ Մարտիրոսյանը, Երեւանի քաղաքապետի «պատմական այցելության հիշատակին» պարգեւատրեց նրան ոսկե մեդալով: