A
A
ՀԲՖ նախագահն անձամբ է մարզահագուստներ հանձնում հավաքականի անդամներին
Հայաստանի բռնցքամարտի ֆեդերացիայի նախագահ Արթուր Գեւորգյանն այսօր հանդիպում է ունեցել հավաքականի անդամների հետ:
Ինչպես հայտնում է Հայաստանի բռնցքամարտի ֆեդերացիայի ֆեյսբուքյան էջը, դրա ընթացքում ՀԲՖ նախագահը բարձրորակ մարզահագուստներ է հանձնել բռնցքամարտիկներին եւ մարզչական անձնակազմին: Նա հերթական անգամ հաջողություն է մաղթել հավաքականի անդամներին՝ հիշեցնելով, որ 2019 թվականը նախաօլիմպիական տարի է:
Մեր բռնցքամարտիկներն այժմ պատրաստվում են Եվրոպայի մինչեւ 22 տարեկանների առաջնությանը, որը կայանալու է մարտին 7-18-ին, Վլադիկավկազում:
