Միակ արդար ընտրությունը եղել էր Լևոն Տեր-Պետրոսյանի օրոք. Դավիթ Գասպարյան (տեսանյութ)
Անդրադառնալով 2018թ.-ի դեկտեմբերի 9-ին տեղի ունեցած արտահերթ խորհրդարանական ընտրություններին` գրականագետ Դավիթ Գասպարյանը «Տեսակետ» մամուլի ակումբում ասաց, որ ընտրությունների ձևը արդեն հնացած է և նորությունների կարիք կա։ Գասպարյանը կարծում է, որ քաղաքական դաշտում բազմազանություն կա, և ճիշտ կլիներ, որ կուսակցությունները միավորվեին ու դաշինքներ կազմեին։ «Սուրեն Հարությունյանի և Վլադիմիր Մովսիսյանի կազմակերպած ընտրությունները ամենամրցակցայինն էին։ Սուրեն Հարությունյանը կենտկոմի առաջին քարտուղարն էր, որը կազմակերպեց և թուլյ տվեց, որ մրցակցային ընտրություններ լինեն։ Այս ընտրությունների ժամանակ մի քանի հոգի զրկվեց մանդատից ասֆալտապատելու և գազաֆիկացնելու համար»,- ասում է Ազատ Արշակյանը։ Դավիթ գասպարյանը նշում է, որ մինչ այս տեղի ունեցած բոլոր ընտրությունները անցել են ընտրախախտումներով, միայն Լևոն Տեր-Պետրոսյանի պաշտոնավարման ժամանակ առաջին ընտրությունն էր, որ արդար էր եղել։ Դավիթ Գասպարյանը նշեց, որ չի ընդունում 2 կին պատգամավորների այն քայլը, որ գնացել են քաղաքացիների տներ և այնտեղ քարոզչություն արել։ Ազատ Արշակյանն էլ իր հերթին ասաց, որ դա նորմալ պրոցես է, և թեկնածուները նախօրոք պայմանավորվում են մարդկանց հետ և ապա հյուրընկալվում։ Ամփոփելով խորհրադարանական ընտրությունները՝ հոգեբան Սամվել Խուդոյանը նշեց, որ դրանք անցան բարեհաջող և առանց լցոնումների։ Նրա խոսքով, խորհրդարանական ընտրությունների արդյունքները սպասվածի էին և նորմալ էր, որ նորաստեղծ կուսակցությունները քիչ ձայներ հավաքեցին։