A
A
Ինդոնեզիայում 7 մագնիտուդ ուժգնությամբ երկրաշարժ է տեղի ունեցել. կանխատեսվել է ցունամի
7 մագնիտուդ ուժգնությամբ երկրաշարժ է տեղի ունեցել Ինդոնեզական Բալի և Լոմբոկ զբոսաշրջային կղզիներում: Օդերևութաբանական ծառայությունը հայտարարել է ցունամիի առաջացման վտանգ:
Ինչպես նշում է Reuters-ը, ստեղծված իրավիճակը խուճապ է առաջացրել կղզիներում հանգստացող զբոսաշրջիկների ու տեղացիների շրջանում:
Երկրաշարժի էպիկենտրոնը գտնվել է Լոմբոկ կղզու հյուսիսային ափից 15 կմ հեռավորության վրա:
Ստորգետյա ցնցումները զգացվել են ընդամենը մի քանի վայրկյան, սակայն այն բավական է եղել խուճապ առաջացնելու համար: Մարդիկ դուրս են վազել տներից, հյուրանոցդներից ու ռեստորաններից: Մի քանի վայրկայնում փողոցները լցվել են մարդկանցով:
Զոհերի կամ ավերածությունների մասին տեղեկություն չկա: