«Մտածում էին՝ ՊՊԾ գնդի գրավման պլանը մեր տանը պետք է լիներ» (տեսանյութ)
ՊՊԾ գնդի գրավման հետ կապված գործի շրջանակներում այսօր առավոտյան խուզարկություն է կատարվել «Հիմնադիր խորհրդարան»-ի անդամ Վահրամ Պետրոսյանի բնակարանում: Նրա խոսքերով՝ Հատուկ Քննչական ծառայության եւ ոստիկանության 6-րդ վարչության աշխատակիցները մինչ խուզարկությունը ցույց են տվել դատարանի որոշումը: «Բնականաբար որեւէ արգելված իր տանը չկար, իրենք ինչ- որ փաստաթղթեր էին փնտրում: Երեւի մտածում էին գնդի գրավման պլանը մեր տանը պետք է լինի»,- «Ա1+»ին ասաց Վահրամ Պետրոսյանը: Նրա խոսքերով՝ վերցրել են մի քանի փաստաթղթեր, որոնք վաղուց մամուլով եւ համացանցով տարածվել էին: Տանը ամեն ինչ խառնել են իրար եւ մոտ մեկ ժամ տեւած խուզարկությունից հետո խուզարկություն իրականացնողները իրենց հետ տարել են երկու փաստաթուղթ, երկու լազերային սկավառակ եւ հեռացել:
