Գլխավոր դատախազը մերժեց Վահան Շիրխանյանին
Գլխավոր դատախազը մերժել է Պաշտպանության նախկին փոխնախարար Վահան Շիրխանյանի պաշտպան Ստեփան Ոսկանյանի միջնորդությունը՝ իր պաշտպանյալի նկատմամբ ընտրված խափանման միջոցը փոփոխելու, վերացնելու եւ այլ խափանման միջոց ընտրելու վերաբերյալ: Այս մասին «Ա1+»-ին հայտնեց նրա պաշտպան Ստեփան Ոսկանյանը: Վահան Շիրխանյանը մեղադրվում է Արթուր Վարդանյանի կողմից ստեղծված հանցավոր համագործակցությանը մասնակցելու, դրա օգտին գործելու, կոնկրետ հանձնառություն եւ դերակատարություն ունենալու մեջ: Պաշտպանն այսօր նաեւ բողոք է ներկայացրել Վերաքննիչ դատարան: Օրեր առաջ առաջին ատյանը եւս երկու ամսով երկարացրել է Վահան Շիրխանյանի խափանման միջոցը՝ կալանքը: «Առանց հիմնավորման, առանց որեւէ ապացույցի»,- ասաց Ստեփան Ոսկանյանը: Վահան Շիրխանյանը կալանքի տակ է դեկտեմբերի 19-ից գտնվում է կալանքի տակ: Պաշտպանը նշում է ՝ չնայած ոտքի թրոմբի վիրահատությանը, նա կրկին դժվարությամբ է տեղաշարժվում:
