A
A
Բնակիչները փակել են Երեւան-Արարատ մայրուղին
Արարատի մարզի Քաղցրաշեն համայնքի 350- 400 բնակիչները փակել են Երեւան-Արարատ մայրուղին: Նրանք պահանջում են մթերված խաղողի գումարները: «Մեզ ասում են այսօր կտանք, վաղը կտանք, բայց ոչ մի առաջընթաց չկա»,- ասում են բնակիչները: Նրանց խոսքերով՝ լարված իրավիճակ է այս պահին, բազմաթիվ ոստիկաններ են ժամանել։ Սակայն բնակիչների պահանջը մեկն է՝ վճարել մթերված խաղողի գումարները: «Հազիվ կարողացանք մթերել, հիմա էլ գումարը չեն կարողանում ստանալ: Ինչքան չարչարվեցինք, հարյուրավոր կիլոգրամներով խաղողը հերթի մեջ մնալուց փչացավ եւ թափեցինք: Հիմա էլ չգիտենք՝ ինչ անենք, խաղողի վազերը վերացնե՞նք»,- հարց են տալիս նրանք: