Որոնք են չոր աչքի հիվանդության հիմնական նշանները

Առողջապահության նախարարությունից հայտնում են․

Չոր աչքի հիվանդությունն ամենատարածվածներից է: Այն հիմնականում կապված է արցունքաբեր թաղանթի անկայունության, աչքի մակերեսի բորբոքման հետ, նաև` երբ բավարար քանակությամբ արցունք չի առաջանում կամ արցունքի բաղադրությունը փոփոխված է։

Այս հիվանդության տարածվածությունն աճում է տարիքի հետ:

Հիմնական նշաններն են ՝
 մշուշոտ տեսողություն
 աչքերի այրոց և ցավ
 կոնտակտային ոսպնյակներ կրելու դժվարություն
 օտար մարմնի զգացողություն
 կարմրություն
 կոպերի ասիմետրիա
 լուսավախություն:

Ինչ անել`
 խուսափել վնասակար գործոնների սրացումից,
 օգտագործել հավելյալ` «արհեստական արցունքի» կաթիլներ,
 բուժել աչքերի բորբոքումը և այն հիվանդությունները, ինչը բերում է չոր աչքի,
 հաճախ թարթել աչքերը համակարգիչ օգտագործելիս,
 առավոտյան և երեկոյան լվանալ աչքերը հատուկ փափկեցնող օճառներով և տաք ջրով:

Խորհուրդները` վիտրեորետինալ վիրաբույժ Թադևոս Հովհաննիսյանից: