ԱԼԲԵՐՏ ՍԱՐԳՍՅԱՆԸ ԿՀԵՌԱՆԱ «ԱԼԱՆԻԱՅԻՑ»
Աջակցիր «Ա1+»-ինՀայաստանի հավաքականի կիսապաշտպան Ալբերտ Սարգսյանը, որը անցած մրցաշրջանում հանդես եկավ Վլադիկավկազի «Ալանիայում», կտեղափոխվի մեկ այլ ակումբ:
«Ալանիայի» նորանշանակ մարզիչ Ալան Կուրբիսը չի ցանկացել նոր պայմանագիր ստորագրել Սարգսյանի հետ, քանի որ հայ ֆուտբոլիստը բավականին մեծ վարձատրություն է պահանջել:
«Ալանիայի» նախկին մարզիչ Բախվա Տեդեւը բազմիցս հայտնել էր, որ Սարգսյանը թիմի առանցքային ֆուտբոլիստներից մեկն է եւ նրան անհրաժեշտ է պահել թիմում, սակայն ինչպես երեւում է ակումբի ղեկավարները մտադիր չեն թիմի առջեւ լուրջ խնդիրներ դնել:
Ալբերտ Սարգսյանը նախկինում հանդես է եկել Նալչիկի «Սպարտակում», Մոսկվայի «Լոկոմոտիվում» եւ «Տորպեդոյում», ինչպես նաեւ Կիեւի «Արսենալում»: 2003թ. ամռանը նա տեղափոխվեց «Ալանիա» եւ թիմին օգնեց իր տեղը պահպահնել Ռուսաստանի բարձրագույն խմբում:
Այժմ հայ կիսապաշտպանի ծառայություններով հետաքրքրված են մի շարք ռուսական եւ եվրոպական թիմեր, բայց ամենայն հավանականությամբ տաղանդավոր ֆուտբոլիստը իր կարիերան կշարունակի Ռուսաստանում: