A
A
ՆՇԱՆԱԿՎԵՑ ԱԽԼՔԱԼԱՔԻ ՇՐՋԱՆԻ ՎԱՐՉՈՒԹՅԱՆ ՆՈՐ ՆԱԽԱԳԱՀ
Աջակցիր «Ա1+»-ինԴեկտեմբերի 11-ին իր դիմումի համաձայն աշխատանքից ազատվել է Ախալքալաքի շրջանի վարչության նախագահ Արտյուշ Համբարձումյանը։ Հավաստի աղբյուրների համաձայն Ա. Համբարձումյանը իր հրաժարականը տվել է շրջանում հակառակորդ շրջանակների ճնշմամբ եւ երկրում նոր իշխանավորների պարտադրմամբ։
Վրաստանի նախագահի պաշտոնակատար Նինո Բուրջանաձեի հրամանագրով շրջանի վարչության նոր նախագահ է նշանակվել Կարտիկամի գյուղական սակրեբուլոյի նախագահ Արթուր Երեմյանը։ Նույն օրը երեկոյան Սամցխե-Ջավախքում Վրաստանի նախագահի լիազոր ներկայացուցիչ Նուգզար Պարոնաշվիլին Ա. Երեմյանին ներկայացրել է շրջանի ակտիվին եւ վարչության անձնակազմին։