«Հեղափոխությունն ուղղակիորեն կապված էր Մոնթեի հետ». Ալեք Ենիգոմշյան (տեսանյութ)

Հունիսի 12-ին լրացավ Հայաստանի և Արցախի Հանրապետությունների ազգային հերոս Մոնթե Մելքոնյանի մահվան քսանհինգերորդ տարելիցը։

«Մոնթե Մելքոնյան» հիմնադրամի ղեկավար և նրա զինակից ընկեր Ալեք Ենիգոմշյանի խոսքով՝ Մոնթեին նվիրված հուշահամալիր պետք է լինի.

«Պետք է լինի մի վայր, որտեղ Մոնթեի մասունքները կլինեն, դա անհարժեշտ է, որ Մոնթեի հետ շփված մարդկանց կյանքից հեռանալուց հետո հուշերը պահպանվեն»:

Ըստ Ալեք Ենիգոմշյանի, թավշյա հեղափոխությունն ուղղակիորեն կապված է Մոնթե Մելքոնյանի՝ Հայաստանի ապագայի վերաբերյալ ունեցած գաղափարների հետ.

«Հեղափոխության կարգախոսը՝ սեր և համերաշխություն, համապատասխանում են ոչ միայն Մոնթեի անձին, այլ նաև նրա մղած պայքարին»:

Անդրադառնալով քաղաքական հայացքների համար կալանավորվածների խնդրին, Ալեք Ենիգոմշյանը նշում է, որ Նոր Հայաստանում հաջորդ քայլը պետք է լինի նրանց ազատ արձակումը.

«Հույս ունենք, որ բոլորի կողմից քաղբանտարկյալներ համարվող Ժիրայր Սեֆիլյանը, Գևորգ Սաֆարյանը և այդ խմբի դեռևս անազատության մեջ գտնվող  անդամները շատ շուտով ազատության մեջ կլինեն և այդ գործընթացը կշարունակվի նաև «Սասնա ծռերի» պարագայում»: