ՀՀ նախկին ոստիկանապետ Վլադիմիր Գասպարյանի թիկնազորի պետի եղբայրը կալանավորվեց
ՀՀ նախկին ոստիկանապետ Վլադիմիր Գասպարյանի թիկնազորի պետ Արշակ Հակոբյանի եղբայրը՝ Սարգիս Հակոբյանը, քիչ առաջ կալանավորվեց։ Կալանավորման որոշումը կայացրեց Երևան քաղաքի ընդհանուր իրավասության դատարանի Շենգավիթի նստավայրի դատավոր Վաչե Մարգարյանը։ Սարգիս Հակոբյանը մեղադրվում է ապրիլի 20-ին Երևան քաղաքի Այվազովսկու 29 հասցեի դիմաց մի խումբ անձանց հետ դիտավորությամբ խուլիգանություն ևկատարելու, այդ թվում, որպես զենք՝ մահակ գործածելու մեջ։ Նրա պաշտպան Տիգրան Աթանեսյանը «Ա1+»-ին տեղեկացրեց, որ գործում ընդհանրապես խուլիգանություն չկա և իր պաշտպանյալը չի ընդունել մեղքը։ Դիտարկմանը, որ տեսանյութում ամեն ինչ պարզ երևում է, պաշտպանը նշեց, որ տեսանյութը կիսատ է, կոնֆլիկտ իսկապես եղել է և մեղադրրանքը պետք է առաջադրվեր պետի համար։ «Այստեղ մարդուն կալանավորել են, որովհետև նա ունի եղբայր և հանրությանը ներկայացրել են բացասական լույսի ներքո»։ Պաշտպանը պատրաստվում է բողոքարկել այսօրվա որոշումը։
