Live.Վաղը կշրջափակեն ՀՀԿ-ն, իսկ այսօր կմնան Ֆրանսիայի հրապարակում (տեսանյութ)
Մենք միամիտ չենք, որ մտածենք, թե ոստիկանությունը մեր հանդեպ բարեհաճ կլինի, եթե ոստիկանությունը որոշի մեզ ցրել, մենք կարող ենք այնպես անել, որ նրանք բռնություն չկիրառեն, -իր ելույթում ասաց Նիկոլ Փաշինյանը. «Ես ինքս տուն չեմ գնալու այնքան ժամանակ, մինչեւ չլինի հանգուցալուծում, ես չեմ լքելու ձեզ , ես լինելու եմ ձեր կողքին եւ խնդրում եմ, դուք էլ եղեք մեր կողքին: Եթե ոստիկանության կողմից լինի հարձակում, մենք ցույց կտանք պասիվ դիմադրութուն, մենք թեւ թեւի տված կմնանք այստեղ»: Նիկոլ Փաշինյանը շեշտեց, որ տեղափոխվելու են Ֆրանսիայի հրապարակ, որտեղ էլ կտեղակայվեն։ Նիկոլ Փաշինյանը նաեւ տեղեկացրեց, որ Շանթ Հարությունյանը Վարդաշեն ՔԿՀ-ում հացադուլ է սկսել՝ ի պաշտպանություն իրենց: Ի դեպ, Ազատության հրապարակում են «Նոր ժամանակներ» կուսակցության նախագահ Արամ Կարապետյանը և «Ժառանգությունից» Արմեն Մարտիրոսյանը։ Քիչ առաջ ԱՀ նախագահ Արամ Հարությունյանը հայտարարեց, որ դուրս է գալիս հացադուլից՝ ի պաշտպանություն ակցիայի մասնակիցների։ Ֆրանսիայի հրապարակը ոստիկանների կողմից հսկվում է։
