«Մարտի 20-ը արդարադատության մահվան օր պետք է նշվի» (տեսանյութ)
Թատերական ներկայացում: Այսպես է բնութագրում Մարտական խաչի ասպետ Ժիրայր Սեֆիլյանի եւ մյուսների գործով դատավճիռը պաշտպաներից Արայիկ Պապիկյանը: «Բացահայտ քաղաքական պատվեր է: Հաշվեհարդար է։ Մարտի 20-ը վերջնականապես արդարադատության մահվան օր պետք է նշվի: Բոլոր դատարանների վրա այդ օրը եռագույնը պետք է իջացնել եւ սեւ լենտ փակցնել»,- ասաց պաշտպանը: Շուշիի առանձնակի գումարտակի հրամանատար Ժիրայր Սեֆիլյանը մեղադրվում էր զանգվածային անկարգություններ կազմակերպելու նախապատրաստության, կազմակերպված խմբի կողմից ապօրինի կերպով հրազեն, ռազմամթերք ձեռք բերելու, պահելու, շենք, շինություններ զավթելու նախապատրաստության մեջ: « Մոռացել էին Քենեդու սպանության մասին հոդվածը, որովհետեւ մնացած հոդվածները այդ նույն ժանրից էին: Անձին լռեցնել էր պետք, քանի որ նա էական վտանգ էր ներկայացնում ներկայիս քաղաքական իշխանության համար, ներկայիս վարչախումբը վախենում է Ժիրայր Սեֆիլյանի անձից»,- ավելացրեց պաշտպանը: Նրա խոսքերով՝ Ժիրայր Սեֆիլյանի դեմ ընդամենը երկու ցուցմունք կար, որոնք դատարանում փլուզվեցին: Մանրամասները՝ տեսանյութում
