A
A
«ՀՀԿ-ն արձագանքել է ոհմակային տարբերակով» (տեսանյութ)
«Երկիր Ծիրանի» խմբակցության անդամների կատարած ակցիան օրենքով արգելված չէ, օրենքը խախտել են հանրապետականները, այսօր լրագրողների հետ հանդիպմանն ասում է քաղաքագետ Արմեն Գրիգորյանը: «Երկիր Ծիրանի»-ի քայլը շատ ռացիոնալ քաղաքական քայլ էր, իռացիոնալ էր ՀՀԿ անդամների պահվածքը: «Դա բռնություն էր կնոջ նկատմամբ, քանի որ եթե Մարինա Խաչատրյանի փոխարեն այնտեղ տղամարդիկ լինեին, Հանրապետականները կվախենային որեւէ քայլ կատարել: Նրանք փողոցային, ոհմակային տարբերակով արձագանքեցին, իմանալով, որ կինն իրենց չի կարող արժանի պատասխան տալ, իրենց լկտի պահեցին՝ քաշքշելով մարդուն: Մարդը եւ կապիկն ունեն 98 տոկոս գեների նմանություն եւ կա ընդամենը գեների 2 տոկոս տարբերություն, ՀՀԿ-ն չի կարողացել այդ 2 տոկոսի տարբերությունը պահել եւ դրսեւորել է սխալ վարքագիծ»: