A
A
Հայաստանի հավաքականը կրկին նահանջեց ՖԻՖԱ-ի աղյուսակում
Ֆուտբոլի միջազգային ֆեդերացիան այսօր հրապարակել է հավաքականների դասակարգման նոր աղյուսակը: Հայաստանի հավաքականը, որը անցած մեկ ամսվա ընթացքում 1:6 հաշվով ջախջախիչ պարտություն է կրել Լեհաստանի ընտրանուց եւ ոչ-ոքի խաղացել Ղազախստանի հավաքականի հետ՝ 1:1, նահանջել է յոթ աստիճանով եւ այժմ զբաղեցնում է 90-րդ հորիզոնականը: Աղյուսակը շարունակում է գլխավորել աշխարհի գործող չեմպիոն Գերմանիայի ընտրանին: Նրան հաջորդում են Բրազիլիան ու Եվրոպայի չեմպիոն Պորտուգալիան: Իսկ ահա Ամերիկայի գավաթակիր Չիլին, որը վերջերս դուրս է մնացել 2018 թվականի աշխարհի առաջնությունից, զբաղեցնում է 9-րդ տեղը:
- Գերմանիա – 1631 միավոր
- Բրազիլիա - 1619
- Պորտուգալիա - 1446
- Արգենտինա - 1445
- Բելգիա - 1333
- Լեհաստան - 1323
- Ֆրանսիա - 1226
- Իսպանիա - 1218
- Չիլի - 1173
- Պերու – 1160
