Իրանցի դիզայները վաճառքի մեծ ակնկալիքներ չունի. Armenia expo- 2017 (տեսանյութ)
Տնտեսության տարբեր ճյուղեր ներկայացնող 120 կազմակերպություններ Armenia expo 2017 են ներկայացրել իրենց արտադրանքը: Ցուցահանդեսի մասնակիցները ժամանել են աշխարհի տարբեր երկրներից, նպատակ ունեն ոչ միայն վաճառել իրենց արտադրանքը, այլեւ կապեր հաստատել տարբեր երկրների գործընկերների հետ: Արդեն երեք տասնամյակ հայկական զարդանախշերով փայտե ապրանքներ արտադրող ընկերության ներկայացուցչի կարծիքով, նմանատիպ էքսպոները լավ հնարավորություն են ստեղծում հայկական արտադրանքը ներկայացնել դրսի գործընկերներին: «Մենք արդեն արտահանում ենք տարբեր երկրներ, բայց հույս ունենք, որ ավելի կմեծացնենք աշխարհագրությունն ու նոր գործընկերներ կգտնենք» ,- նշել է Ռազմիկ Պետրոսյանը: [caption id="attachment_1565885" align="alignnone" width="500"] Opening of the 17th Universal Regional Trade and Industrial Exhibition Forum 'ARMENIA EXPO 2017' took place at Yerevan EXPO[/caption] Էքսպոյին մասնակցող իրանցի դիզայներն էլ նշել է, որ վաճառքի մեծ ակնկալիքներ չունի, ուզում է ներկայացնել իր երկրի մշակույթն ու նորաձեւությունը: «Եթե հայ կանայք հավանեն ու գնեն, իհարկե, դեմ չենք լինի, դժվար կլինի այսքան ապրանքը նորից հետ տանել»,- նշել է նրանցից մեկը: Հայաստանում ալոե արտադրող միակ ընկերությունը էքսպոյին ներկայացել է յուրահատուկ արտադրանքով՝ առաջարկում են ալոեի տերեւներ ու առանց խառնուրդի թուրմ: «Վաճառք շատ քիչ ունենք, բայց գնալով ավելանում է, մի փոքր սրվակ առնողը տեսնում է արդյունավետությունը եւ վաճառքն ավելանում է»,- նշում է Կամսար Դարբինյանը։ [caption id="attachment_1565886" align="alignnone" width="500"] Opening of the 17th Universal Regional Trade and Industrial Exhibition Forum 'ARMENIA EXPO 2017' took place at Yerevan EXPO[/caption] Armenia expo 2017-ը կշարունակվի մինչեւ սեպտեմբերի 10-ը: