A
A
Արմեն Ամիրյանին արդեն շնորհավորում են՝ նախարարի պաշտոնն ստանձնելու առթիվ
Մշակույթի նախարարությունից «Ա1+»-ի հարցմանն ի պատասխան հրաժարվեցին մեկնաբանել նախարար Հասմիկ Պողոսյանի հնարավոր պաշտոնանկության մասին լուրերը։
Դեռ երեկվանից համառ են լուրերն այն մասին, որ Հասմիկ Պողոսյանը լքում է պաշտոնը։
Որպես Մշակույթի նոր նախարարի պաշտոնի հավանական թեկնածու շրջանառվում է Հանրային ռադիոյի նախկին տնօրեն, Հայաստանի հանրային հեռուստառադիոընկերության խորհրդի անդամ, մշակույթի վաստակավոր գործիչ Արմեն Ամիրյանի անունը:
Թեեւ պաշտոնական հրամանագիր դեռևս չկա, սոցիալական ցանցերում արդեն շնորհավորանքներ կան՝ ուղղված Արմեն Ամիրյանին։ Դրանցից մեկը դերասան, շոումեն Գարիկ Պապոյանի գրառումն է։
