A
A
ՀՔԿ. Գյումրու դեպքով հարուցվել է քրգործ՝ ինքնասպանության հասցնելու հատկանիշով
Սեպտեմբերի 20-ին՝ ժամը 13։20-ի սահմաններում, Գյումրիի բժշկական կենտրոնից ահազանգ է ստացվել, որ գլխի շրջանում հրազենային վնասվածքով իրենց մոտ է տեղափոխվել Ա.Գրիգորյանի դիակը։ Ահազանգի հիման վրա ձեռնարկված անհետաձգելի քննչական գործողությունների արդյունքում պարզվել է, որ երիտասարդը հրազենային վնասվածքն ստացել է իրենց առանձնատան նկուղում արձակված կրակոցի արդյունքում։ Դեպքի վայրի զննությամբ հայտնաբերվել են արյան հետքեր, «Մակարով» տեսակի ատրճանակ՝ լիցքավորված փամփուշտներով, 1 պարկուճ։ Հարուցվել է քրեական գործ՝ ՀՀ քրեական օրենսգրքի 110-րդ հոդվածի 1-ին և 235-րդ հոդվածի 1-ին մասերով ։ Հոդված 110 Ինքնասպանության հասցնելը
- Սպառնալիքի, դաժան վերաբերմունքի կամ անձնական արժանապատվությանը պարբերաբար նվաստացնելու ճանապարհով անձին ուղղակի դիտավորությամբ կամ անզգուշությանբ ինքնասպանության կամ ինքնասպանության փորձի հասցնելը։