Գիշերային հերթապահություն Խորենացի փողոցում. ուղիղ (տեսանյութ)
06:25 Գիշերը խաղաղ է անցել Խորենացի փողոցում, տարածքում կան սակավաթիվ մարդիկ: 02;20 Խորենացի փողցը, որը մի քանի ժամ առաջ մարդաշատ էր, այժմ գրեթե դատարկ է: Միայն տեղ-տեղ մարդկանց փոքրաքանակ խմբեր են հավաքված: Իրադրությունն այտեղ խաղաղ է: 23;20 Այսօրվանից սկսած գիշերային հերթապահություն կլինի Խորենացի փողոցում,-հայտարարեց «Ժառանգության» անդամ Արմեն Մարտիրոսյանը։ Նա հերթապահելու է այս գիշեր։ Իսկ ԳԽ պատգամավոր Ալբերտ Բաղդասարյանը, ամփոփելով, կրկնեց՝ այսօր վճռական օրեր են սկսել, քանի որ «Սասնա ծռեր»-ի տղաները ապացուցեցին, որ մարդկային ամենակարևոր արժանիքների կրողներն են. «Այնտեղ այն հայրենակիցներն են, ովքեր ոչ մի կաթիլ արյուն չեն թափելու։ Հայաստանում ընդդիմությունը դուք եք և իշխանությունը պետք է պատկանի Ձեզ։ Դուք իշխանություն ձևավորելու սահմանադրական իրավունքը ունեք,որը պետք է իրացնեք և այն իշխանությանը, որը չի կարողանում իր պարտավորությունները իրականացնել, պարտավոր է հեռանալ»։ Բաղդասարյանի կարծիքով Սերժ Սարգսյանը պետք է հեռանա Բաղրամյան 26-ից։ « Մենք իրավունք չունենք նահանջելու,և չգնահատելու այն եզակի շանսը, որ տրվել է մեզ ։ Եկեք իրար հետ ինքնակազմակերպվենք, այստեղ ոչ ոք առավելություն չունի, եկեք հերթապահություն սահմանենք և բացառենք խառնաշփոթը»։ Ալբերտ Բաղդասարյանը նշեց, որ կհրապարակեն այն մարդկանց անունները, որոնց ասածին արժե հավատալ, եւ այդ սադրանք չի լինի։ Այսօրվա հավաքների ելույթների մասն ավարտվեց։ Վաղը կրկին ժամը 20-ին հավաքվելու կոչ արվեց։ Քաղաքացիների մի մասը մնաց այստեղ։