Հրանուշ Խառատյանն առաջարկում է գնալ Հաղթանակի զբոսայգի
Ազգագրագետ Հրանուշ Խառատյանը ֆեյսբուքում հանդես է եկել առաջարկով. Սիրելի բարեկամներ Առաջարկում եմ հունիսի 14-ին լինել ԽՍՀՄ, տվյալ դեպքում՝ Խորհրդային Հայաստանում քաղաքական բռնաճնշումների զոհերի հուշարձանի մոտ: Դա Մոնումենտում է: Ժամը 12-ԻՆ: Քանի դեռ մենք հավուր պատշաճի չենք գնահատել մեր պատմության այդ նզովյալ էջը, քաղբանտարկյալներ միշտ ունենալու ենք: Հունիսի 14ը ընտրվել է, որովհետևա այդ օրը 1949 ին տեղի է ունեցել հայերի էթնիկական դեպորտացիա Հայաստանից, Վրաստանից, Ադրբեջանից և Հյուսիասային Կովկասից: Ստալինի հրամանով: Ըստ հրամանի դեպորտացվել են ՛՛նախկին դաշնակցականները՛՛, ՛՛նախկին թուրքահպատակները՛՛, այսինքն մեծ հաշվով՝ Ցեղասպանությունից փրկվածներն ու իրենց ժառանգները: Իրականում դեպորտացվել են նաև ՛՛այլոք՛՛: Մինչև այսօր մենք նույնիսկ դեպորտացվածների թիվը չգիտենք:
