Թայվանում 9 բալանոց երկրաշարժի զոհերի թիվը հասել է 23-ի
Թայվանում երկրաշարժի զոհերի թիվը հասել է 23-ի, անհայտ կորած են համարվում 120-ը: Ենթադրվում է, որ այդ մարդիկ Յունկան շրջանում փլուզված 17 հարկանի շենքի փլատակների տակ են գտնվում:
Ինչպես հայտնում է Reuters գործակալությունը, փրկարարները հուսով են, որ նրանցից առնվազն 30-ը դեռ ողջ են և կարող են փրկվել: Այսօր փլատակների տակից դուրս են բերվել 20 և 30 տարեկան երկու երիտասարդների:
Հիշեցնենք, որ փետրվարի 6-ին, ժամը 07.56-ին ՍՊԾ-ից տեղեկություն է ստացվել, որ ս.թ. փետրվարի 5-ին, տեղական ժամանակով ժամը 23.57-ին (Գրինվիչի ժամանակով` ժ.19.57-ին) ՀՀ ՏԿԱԻՆ Սեյսմիկ պաշտպանության ծառայության սեյսմոլոգիական ցանցի կողմից գրանցվել է հյուսիսային լայնության 22.930օ և արևելյան երկայնության 120.540օ աշխարհագրական կոորդինատներով (Թայվան), օջախի 17 կմ խորությամբ և 6.4 մագնիտուդով երկրաշարժ:
Ստորգետնյա ցնցման ուժգնությունը էպիկենտրոնում կազմել է 9 բալ:
