A
A
Ցմահները դադարեցրին հացադուլը
10 օր հացադուլի մեջ գտնվող ցմահ ազատազրկման դատապարտվածներն այսօր դադարեցրել են իրենց հացադուլը: Արդարադատության նախարարության Քրեակատարողական հիմնարկների վարչության հասարակայնության հետ կապերի պատասխանատու Գոռ Ղլեչյանն «Ա1+»-ին հայտնեց, որ բոլոր 32 դատապարտյալները քիչ առաջ դիմումներ են ներկայացրել եւ դադարեցրել հացադուլը: Հացադուլ հայտարարելով՝ ցմահ ազատազրկվածները պահանջում էին գործերի վերաբացում եւ պատժաչափերի վերանայում: Հիշեցնենք, որ այսօր նրանց էր այցելել ԱԺ հանրապետական պատգամավոր Հովհաննես Սահակյանը: