A
A
ՄԻՊ գրասենյակը ազատ տեղաշարժի իրավունքը խախտելու մասին դիմում չի ստացել
Մարդու իրավունքների պաշտպանի գրասենյակը ահազանգ-դիմում չի ստացել քաղաքացիներից՝ իրենց ազատ տեղաշարժի իրավունքը խոչընդոտելու վերաբերյալ, հենց այդ պատճառով էլ ընթացք չի տրվել: «Պետք է դիմում ունենանք, որ կարողանանք մեկնաբանություններով հանդես գանք», այս մասին «Ա1+»ին հայտեց Մարդու իրավունքների պաշտպանի հանրային կապերի պատասխանատու Ռոնա Ահարոնյանը: Հիշեցնենք, որ «Նոր Հայաստան» շարժումն այսօր Ազատության հրապարակում համազգային հանրահավաք է հրավիրել: Այդ իսկ պատճառով էլ այսօր առավոտվանից մարզերից ուղեւորափոխադրում չի իրականացվում դեպի Երեւան: Մարդիկ ստիպված Երեւան են գալիս տաքսիներով: