Բաղրամյան պողոտայում իրավիճակը շարունակում է լարված մնալ
Այժմ Բաղրամյան պողոտայում իրավիճակը շարունակում է լարված մնալ ։ Ցուցարարները չեն հեռանում և շարունակում են պնդել, որ բերման ենթարկված իրենց 5 ընկերնեին ազատ արձակեն ։ Երևանի փոխոստիկանապետ Վալերի Օսիպյանն անցուդարձ է անում ոստիկանների միջով՝ կարգադրություններ տալով նրանց։
Ոստիկանները շարունակում են կենդանի պատ կազմած մնալ։
Ակտիվիստները նաև փորձում են ոստիկաններից ճշտել, թե ինչու են բերման ենթարկել իրենց ընկերներին , սակայն, ապարդյուն, որևէ պատասխան նրանց չի տրվում։
Բերման ենթարկվածներից մեկն անչափահաս է։ Ակտիվիստները պահանջում են նրան անհապաղ բաց թողնել։
Վալերի Օսիպյանը գնացել է այդ հարցը ճշտելու։
Քիչ անց նա հայտարարեց, որ 20 անց 20-ի սահմաններում բերման ենթարկվածներն ազատ կարձակվեն։
Ցուցարարները հայտնեցին նրան, որ տեղից չեն շարժվի մինչը տղաները իրենց չմիանան։
