A
A
Նիստն սկսվեց ուշացումով. վարչապետը ճանապարհում էր Սերժ Սարգսյանին
Կառավարության այսօրվա նիստը մեկնարկեց կես ժամ ուշացումով. ըստ տեղեկությունների՝ վարչապետ Հովիկ Աբրահամյանը գնացել էր ճանապարհելու Սերժ Սարգսյանին։ Վերջինս մեկնում է Վատիկան։ Իսկ կառավարության շենքի բակում, ինչպես միշտ, բազմամարդ է։ Այստեղ են հավաքվել հաշմանդամություն ունեցող օդաչուները, դեռեւս 11 տարի առաջ Հյուսիսային պողոտայում տները կորցրած բնակիչները, նաեւ՝ Գյումրիից Երեւան եկած Կարո Մինասյանը, ով նշում էր, որ իր թոշակի հետ կապված հարցերը լուծում չեն ստանում։ Այս կապակցությամբ նրա հարցերը՝ ուղղված վարչապետին, մնում են անպատասխան։ Քաղաքացին փորձում էր մտնել կառավարության շենք, ոստիկանները թույլ չտվեցին։